A Unión Local de Verín da Confederación Intersindical Galega do Ensino informa do importante apoio recibido á actividade cultural do Correlingua, desenvolvida o venres 8 de maio na vila de Verín; na que participaron aproximadamente uns 2.000 alumnos/as, de vinte centros educativos de toda a Comarca de Monterrei.

A xustiza vén de recoñecer dúas categorías profesionais á unha coordinadora de zona fría da Vidrería do Atlántico, un feito que da un novo pulo ao conflito colectivo de reclasificación que está en marcha nesta empresa de Xinzo da Limia. A sentenza tamén recoñece o dereito da traballadora a conservar o Plus de Responsabilidade ao que ten dereito e condena á Vidreira a abonar as contías económicas que deixou de percibir a operaria por ter unha clasificación inferior á que lle correspondía.

Os traballadores e traballadoras da Vidreira do Atlántico están a desenvolver dende a noite do 26 de abril a novena xornada de folga na empresa. Este será o último dos paros de 32 horas que realice o persoal, pois acordaron en asemblea incrementar a intensidade da protestas convocando folgas de sete días seguido cada mes. Non obstante, os traballadores/as abriron unha quenda de tres semanas antes de comezar os novos paros para que a dirección da vidreira asuma a súa responsabilidade e inicie unha negociación seria.

Os traballadores e traballadoras da Vidreira do Atlántico trasladáronse o pasado sábado 18 de abril até León para concentrarse diante da sede no Estado español do Grupo BA Vidros, propietaria da fábrica da Limia. Ademais, o vindeiro venres 24 de abril o persoal terá unha asemblea xeral para decidir se leva adiante un incremento nas medidas de presión, mentres que o domingo 26 iniciarán a novena xornada de folga na fábrica.