A CIG e as traballadoras e traballadores do concello de Viana do Bolo veñen de denunciar a situación laboral na que se atopan. Demandan do grupo de goberno que tome consciencia da importancia do diálogo e da negociación “tanto porque a lei así o impón, como porque é prioritario para o bo funcionamento da institución”. Advirten ademais de que é a súa responsabilidade para evitar que se teñan que adoptar medidas mobilizadoras, como xa tiveron que facer en anteriores ocasións.