Logo da comunicación de desconvocatoria da folga prevista para este venres 30 de outubro na Vidreira do Atlántico, a empresa remitiu un escrito ao Comité a través do que pretendía intimidar ao cadro de persoal advertindo de que tomará medidas se se convocan novas mobilizacións. Dende a CIG de Verín, a súa vez, responden pondo as ameazas en coñecemento dos xulgados e con novas protestas.

O Xulgado do Contencioso-administrativo número 1 de Ourense vén de ditar sentenza pola que se anulan dúas prazas adxudicadas no mes de febreiro de 2008 polo Concello de A Gudiña. Así mesmo, a resolución condena ao goberno local a convocar a Mesa Xeral de Negociación e á CIG, co obxecto de reiniciar o proceso selectivo en condicións legais. Dende a CIG de Verín lamentan que as prácticas do “amiguismo” por parte de determinados gobernantes continúen estando activas.

Tras máis dun mes de ter solicitado unha entrevista “urxente” co Delegado Territorial da Xunta de Galiza en Ourense, co obxecto de tratar o asunto da paralización unilateral do 33% da actividade da Vidreira do Atlántico, sen autorización administrativa e sen negociación co Comité de Empresa; o máximo responsábel do goberno galego en Ourense “concedeu ao Comité de Empresa a entrevista requirida, para celebrarse o próximo día 15 de setembro, ás 9:00 horas da mañá na sede da Delegación Territorial.

Traballadores e traballadoras portugueses do Grupo BA Glass, propietario de Vidreira do Atlántico S.A, en Xinzo da Limia, veñen de remitir a súa solidariedade coas demandas dos traballadores e traballadoras da planta ourensá, que hoxe comeza a súa primeira xornada de folga para exixir a negociación do convenio colectivo e o cumprimento da lexislación en materia de prevención, entre outras. A convocatoria de folga, que xa fora comunicada á empresa a principios de agosto coincide coa presentación dunha denuncia ante a inspección, polo accidente laboral que acaba de sufrir unha traballadora á que lle saltou un cristal ao ollo provocando lesións de prognóstico grave que afectaron á cornea e o iris.