O Tribunal Superior de Xustiza de Galiza vén de confirmar a sentenza do Xulgado do Contencioso Administrativo nº 1 de Ourense pola que, acollendo as teses da avogada da CIG de Verín, anulou unha praza de Conserxe no Colexio Laureano Prieto da Gudiña e unha praza de Vixiante Municipal de Obras e Servizos, adxudicadas ambas polo alcalde do concello en febreiro de 2008, segundo afirman desde a CIG de Verín, “violando o dereito á liberdade sindical e, por extensión, limitando os dereitos de todos/as os traballadores/as a optar en pé de igualdade cos adxudicatarios”.

O Grupo Ba Vidrio S.A. paga a Caixa Madrid unha débeda aquirida pola Vidreira do Atlántico S.A. por valor de 1.200.000 euros A CIG de Verín vén de denunciar que cando os máis 70 traballadores que tiña Vidreira do Atlántico S.A. xa están no paro e mentres os demais acredores da empresa seguen agardando para cobrar, o Grupo Ba Vidro S.A, acaba de saldar unha das débedas máis voluminosas e importantes, 1.200.000 €, que mantiña a sociedade Vidreira do Atlántico S.A., no marco do concurso de acredores/as no que se atopa incursa.

Esta semana comezaron as mobilizacións contra os sistema de gardas unificadas que a Consellaría de Sanidade pretende impor nos servizos de Radioloxía dos Hospitais de Monforte, O Barco e Verín. O mércores, a Xunta de Persoal do Hospital de Valdeorras puña en marcha unha campaña informativa para dar a coñecer á poboación as consecuencias que este “proxecto piloto” vai ter sobre a cualidade asistencial, mentres que o xoves, uns 300 traballadores/as do centro de Monforte participaron nunha concentración contra unha medida que podería ser o primeiro paso para supresión destas áreas sanitarias.

O proceso de peche definitivo da Vidreira do Atlántico vén de camiñar un paso máis logo da autorización por parte do xulgado do mercantil de Ourense de proceder á extinción das relacións laborais dos máis de 120 traballadores e traballadoras da factoría da Limia. Dende a CIG sublíñase que tanto a central como o Comité teñen impugnado todas as resolucións xudiciais adoptadas neste proceso, que ten deixado na máis absoluta indefensión á parte máis vulnerábel: o conxunto dos traballadores e traballadoras. Así, o vindeiro 29 de abril está prevista unha concentración diante do Pazo de Xustiza de Ourense para esixir verdadeira xustiza.

Os traballadores e as traballadoras da Vidreira do Atlántico acudían o mércores 10 de Marzo ao Xulgado do Social número 3 de Ourense, onde ía ter lugar a vista pola demanda de extinción dos contratos de máis de 75 empregados/as da factoría limiá. Na vista quedou demostrado que o proceso de concurso de acredores foi inducido polo Grupo ao que pertence a fábrica e que se produciu unha violación sistemática, no último ano, dos dereitos fundamentais dos traballadores/as, polo que dende a CIG e o persoal se solicita unha indemnización de 45 días por ano traballado, máis outra indemnización complementar por vulneración de dereitos. Dende a CIG de Verín destacan tamén que, durante o xuízo, os administradores concursais ratificaron nas súas declaracións os argumentos esgrimidos pola parte social, cualificando de fraudulenta a actuación da empresa.