Dende a Unión Local da CIG de Verín-A Limia explicaron que a sesión, que servirá para renovar os órganos de dirección da central nacionalista, dará comezo a partir das 10.30 horas no salón de actos da Casa da Cultura de Verín. 

Ao mesmo tempo, incidiron no feito de que a VI Asemblea chega nun momento especialmente delicado xa que se trata dunhas comarcas especialmente castigadas pola crise económica e amosáronse convencidos de que “a CIG é unha ferramenta imprescindíbel para os traballadores/as da bisbarra na procura de acadar un modelo económico e social máis favorábel no que se garantan o reparto equitativo da riqueza e dereitos básicos como o ensino, a sanidade, os servizos sociais, a vivenda ou un posto de traballo digno na propia terra”.