Publícase no DOG de hoxe a Resolución do 18 de febreiro de 2016 pola que se convoca o procedemento de adxudicación de praza nas escolas infantís 0-3 dependentes da Axencia Galega de Servizos Sociais para o curso 2016/2017.

O prazo para solicitar o ingreso remata o 25 de marzo

Esta resolución ten por obxecto convocar o procedemento de adxudicación de prazas nas escolas infantís 0-3 dependentes da Axencia Galega de Servizos Sociais para o curso 2016/17.

Serán requisitos imprescindibles, que o neno ou a nena teña a súa residencia en Galicia, ter unha idade mínima de tres meses na data de ingreso e non ter feitos os 3 anos de idade o 31 de decembro de 2016. (Non obstante, poderanse eximir do límite de idade dos 3 anos os nenos e as nenas con necesidades específicas de apoio educativo)