Deste xeito, despois da sesión celebrada este sábado no salón de actos da Casa da Cultura de Verín a partir das 10.30 horas, a Executiva local queda conformada polas seguintes persoas:

-Luís Ferreiro Fernández

-Begoña Alonso Santamarina

-Ana Belén Alonso Pardo

-Francisco Xabier Rodríguez Cerdeiro

-Pablo Martínez Pérez

-Camilo Lorenzo Pérez

-Luís Pérez González

No acto de clausura interviñeron, ademais do secretario da Unión Local, Luís Ferreiro, o secretario comarcal da CIG de Ourense, Etelvino Blanco, e o secretario confederal de Formación para o Emprego, Manoel Anxo García Torres.

Unha vez rematada a VI Asemblea celebrouse un acto de homenaxe á compañeira liberada da U.L. de Verín e A Limia, Dores Pérez González, quen, logo de 16 anos de actividade a favor dos traballadores/as destas comarcas, deixa a Executiva, cesando tamén no seu cargo de liberada sindical.

Dende a central nacionalista incidiron no feito de que a VI Asemblea chega nun momento especialmente delicado xa que se trata dunhas comarcas castigadas pola crise económica e amosáronse convencidos de que “a CIG é unha ferramenta imprescindíbel para os traballadores/as da bisbarra na procura de acadar un modelo económico e social máis favorábel no que se garantan o reparto equitativo da riqueza e dereitos básicos como o ensino, a sanidade, os servizos sociais, a vivenda ou un posto de traballo digno na propia terra”.