A Asemblea xeral de traballadores e traballadoras da Vidreira do Atlántico acordo convocar unha nova xeira de folgas o vindeiro mes de xuño, aínda que desta volta endurecerán as condicións das protestas, pois os paro terán unha duración continuada de 15 días, en todos os departamentos da empresa. A medida adoptouse no transcurso dunha reunión na que o Comité de Folga reparou a situación na que se atopa o conflito aberto na empresa de A Limia dende decembro pasado, analizáronse as tentativas de negociación levadas a cabo polo persoal e rexeitadas pola dirección e avaliouse o calendario previsto dentro dos procesos xudiciais abertos contra a Vidreira.

A Sala do Contencioso Administrativo do TSXG ven de publicar a súa sentenza 382/2009 pola que confirma a resolución previa do Xulgado Contencioso nº 2 de Ourense, no sentido de anular o proceso selectivo convocado no mes de Decembro do 2005, para a provisión dunha praza de auxiliar de biblioteca no Concello de Verín, estimando integramente os argumentos expostos no seu día pola CIG.

Desde a CIG de Monterrei-A Limia trasladan, a través dun comunicado de prensa, o malestar que existe entre ps traballadores e traballadoras do Servizo de Prevención e Defensa contra Incendios Forestais de Galiza polo uso que se lle está a dar á instalación que a Consellaria de Medio Rural levantou no pobo de Vilamaior, no Concello de Verín.

A Unión Local da CIG de Verín vén de informar que na tarde do 6 de maio celebrouse reunión da Mesa Xeral de Negociación do Concello de Vilariño de Conso para tratar de asinar “dunha vez por todas” o Convenio Colectivo dos/as traballadores/as laborais do Concello. Como xa denunciou a CIG-Verín en máis dunha ocasión, “levamos un ano e medio tentado que o alcalde de Vilariño se tome con seriedade a negociación do Convenio, deixando de pór constantes atrancos que non teñen xustificación de ningún tipo”.

Afiliadas e afiliados da CIG acudiron o luns 27 de abril ao Concello de Verín onde a Corporación municipal estaba celebrando o Pleno no que se debatían as alegacións aos orzamentos presentadas pola central. O grupo de goberno, o PP, valeuse da súa maioría para desestimar as alegacións, mentres dende a CIG-Verín reclámase unha negociación colectiva xusta para os traballadores/as do Concello.