Todos os trabalhadores/as do Servizo de Defensa Contra Incendios, coa condición de fixos descontinuos e con contrato de 3 meses de duración para a campanha de prevención e defensa contra incendios forestais 2015, debedes ter en conta que ao rematar o período de 3 meses de contratación, igual que fixemos na campanha anterior, tedes que traer pola CIG a documentación necesaria para reclamar a extensión da duración do contrato de 3 a 9 meses.

É moi importante non esquecer isto porque, estando pendente a resolución do Tribunal Superior sobre os recursos que a Xunta presentou contra as Sentenzas que ganhamos nos Xulgados de Ourense, debemos seguir interpondo demandas, nesta campanha, para poder computar tamén istes períodos, se, finalmente, o Tribunal Superior nos dá a razón.

Os documentos que debedes levar ao sindicato, só cando remate o período de contratación de 3 meses, son:

* As 3 nóminas

* O Contrato e

* Un poder para demandar que vos entregarán na CIG.

A Sala do Contencioso Administrativo do Tribunal Superior de Xustiza de Galiza ven de publicar a súa sentenza nº 388/2015, pola que, acolhendo un recurso contencioso interposto pola CIG, declara nulo o Acordo Plenario do Concelho de Verín de 18 de Maio do 2011, polo que se aprobara a modificación da Relación de Postos de Trabalho 1/2011, ao non ser atendida a solicitude do sindicato de negociar a clasificación dos postos de trabalho da policía local, entre outras cuestións.

Pra ler o resto do comunicado preme en "Ler máis"

Tal e como denunciou a CIG no seu día os Tribunais das oposicións de letrada e Administrativa do Concelho de Xinzo de Limia estaban CONTAMINADOS por militantes do Partido Popular pra outorgarlhe ambas prazas a determinadas persoas afíns, violando o dereito á igualdade de todos os cidadáns e cidadás.

As decisións do tribunal, composto polo actual Alcalde de Monterrei e varios concelheiros e militantes do Partido Popular, venhen de ser reprobadas polo Tribunal Superior de Xustiza de Galiza que, a maiores, declarou que o recén eleito Alcalde de Xinzo de Limia incorreu nun novo DESVÍO DE PODER.

A Unión Local da CIG de Verín e A Limia solicitou, hoxe pola manha, a reunión da Mesa Xeral de Negociación do Concelho de Xinzo de Limia, pra esixir o cumprimento imediato da resolución xudicial.

Se queres ler a Sentenza preme en "Ler máis" e descarrégaa en PDF

A Deputación Provincial de Ourense ven de publicar, no BOP, umha convocatoria pra contratar temporalmente a 20 trabalhadores/as na categoría de chófer-operario lixo e semelhantes, con destino en 13 comarcas de Ourense.

Como sempre a Deputación confire un prazo rídiculo pra presentación de solicitudes: 5 días naturais dende a publicación no BOP, rematando o próximo 23 de xunho 2015.

Se estás interesado/a en participar na convocatoria e conhecer os requisitos pra presentación de solicitudes, preme en "Ler máis"

A Porqueira: 10 trabalhadores/as pra formación de 2 brigadas de extinción e prevención de incendios

Prazo de presentación de solicitudes: até o día 22/06/15

Muinhos: 10 trabalhadores/as pra formación de 2 brigadas de extinción e prevención de incendios e 4 pions pra Brigada Medioambiental.

Prazo de presentación de solicitudes: até o día 17/06/15

Os Brancos: 5 trabalhadores/as pra formación de 1 brigada de extinción e prevención de incendios

Prazo de presentación de solicitudes: até o día 19/06/15

Nos vindeiros días convocaránse prazas pro resto dos Concelhos da Limia e Monterrei

Se queres descarregar as bases das convocatorias preme en "Ler Máis"