O próximo venres, día 29 de Maio, a partires das 20.00 horas e con saída da Parroquia de Pazos e chegada ao Concelho de Verín desenvolverase umha Manifestación, convocada polos familiares de ISABEL FUENTES, vicinha de Pazos, asasinada vilmente por ser mulher.

A Unión Local da CIG de Verín e A Limia chama a todos os seus afiliados e afiliadas a participar, xunto cos familiares de Isabel, na citada Manifestación. Só uníndonos e erguendo a voz contra a ignorancia e o machismo podemos construir umha sociedade mais xusta, na que todos e todas sexamos iguais.

NON FALTES Á MANIFESTACIÓN !

Tal e como vinha demandando a CIG e o corpo de policia local de Verín era preciso chegar a un acordo pro restablecemento e mantemento do servizo nocturno de policía local, pola necesidade que, umha vila como Verín, ten do mesmo. Non foi doado, mais aí está ! É un primeiro paso dado na boa dirección, na dirección do diálogo coa CIG e cos trabalhadores e trabalhadoras. Agardamos que se mantenha porque é o único xeito de xestionar eficientemente os servizos públicos: co diálogo e co acordo, non coa imposición.

Pra ler o texto do Acordo preme en "Ler máis"

8 DELEGAD@S, CIG (88%), 1 DELEGAD@ CCOO (12%) 

Comezamos no 1999 un grupo de trabalhadores/as a crear o xérmolo do que é hoxe a Sección Sindical da CIG no Concelho de Xinzo de Limia.

Naquela altura, sen aínda representación, conseguimos tornar a indefinido á maior parte do persoal que soportaba umhas condicións laborais de precaridade abosluta.

Ao pouco, celebramos as eleccións sindicais e a CIG obtivo: 3 representantes, por 2 de CCOO.

Inmediatamente negociamos un Convenio Colectivo para todo o persoal laboral que foi o referente de moitos outros do País, incluíndo nel a "sonada" cláusula de despedimento improcedente que, aínda hoxe, protexe aos operarios/as das presións políticas que reciben.

Pra poder ler o resto do artigo preme en "Ler máis"

A Unión Local da CIG de Verín e A Limia ven de facer público un Informe sobre certas magnitudes económicas e sociais, dos últimos 4 anos, que demostra que o Concelho de Xinzo de Limia e a Comarca da Limia se atopan, por umha banda, moito pior que hai 4 anos, e, pola outra, no furgón de cola dos Concelhos e Comarcas de semelhante tamanho da provincia de Ourense, en povoación, número de empresas e índice de avelhentamento. 

Preme en "Ler máis" e comproba a onde nos está a levar o PP na Limia