No Dog do mércores 14 de Marzo, aparece publicada a resolución de do 6 de marzo de 2018, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas dos procesos selectivos para o ingreso, pola quenda de promoción interna nas seguintes categorías de persoal laboral fixo da Xunta de Galicia:

- Categoría 003 Auxiliar de enfermería do grupo IV.
- Categoría 033 Bombeir@ Forestal condutor/a de Autobomba do grupo IV.
- Categoría 14A Bombeir@ Forestal Condutor/a do grupo
V.
- Categoría 14 Bombeir@ Forestal do grupo V.
- Categoría 10B vixilanta/e fixa/o de defensa contra incendios forestais do grupo V.
- Categoría 10C Emisorista de defensa ontra incendios forestais) do grupo V.
- Categoría 001 Camareira/o Limpadora/or- Axudanta/e de cociña do grupo V.

Por Resolución do 18 de xaneiro de 2018, da Dirección Xeral da Función Pública (Diario Oficial de Galicia nº 19, do 26 de xaneiro) aprobáronse as listas provisionais de persoas admitidas e excluídas do proceso selectivo para o ingreso, pola quenda de promoción interna e cambio de categoría, nas categorías arriba xa mencionadas.

A lista definitiva de persoas aspirantes admitidas poderase consultar no portal web corporativo funcionpublica.xunta.gal.
A lista de persoas aspirantes excluídas, con indicación da causa determinante da súa exclusión, figura no anexo do correspondente Dog. A Administración devolverá de oficio o importe ingresado en concepto de dereitos de exame a aquelas persoas aspirantes definitivamente excluídas que, de acordo coa base I.3, realizaron o pagamento con certificado dixital ou DNI electrónico ou ben fixeron constar na súa solicitude o número de conta para estes efectos. Para a devolución do importe será necesaria a presentación dun escrito no cal a persoa interesada faga constar o número de conta (24 díxitos), a entidade bancaria e a localidade desta ou dun certificado expedido pola entidade en que figuren eses datos. Esta documentación deberá ser presentada no prazo dun mes contado a partir do día seguinte ao da publicación desta resolución no Diario Oficial de Galicia. Contra esta resolución poderase interpoñer recurso potestativo de reposición ante o conselleiro de Facenda, no prazo dun mes, contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderase interpoñer directamente recurso contencioso-administrativo ante a Sala do Contencioso-
Administrativo do Tribunal Superior de Xustiza de Galicia no prazo de dous meses, contados desde a mesma data, de conformidade co disposto no artigo 8.2 da Lei 29/1998, do 13 de xullo, en relación co artigo 10.1 do mesmo texto legal. Mais info. No Dog de hoxe e no seguinte enlace: https://www.xunta.gal/diario-oficial-galicia/