Segundo informacións de última hora, os Alcaldes do Partido Popular da Limia decidiron, na reunión que mantiveron hoxe en Xinzo de Limia, NON APOIAR A MANIFESTACIÓN do día 10 de Xulho do 2014, alegando 2 cuestións:

a) Que tenhen conhecimento de que non se van suprimir os partidos xudiciais.

b) Que a Plataforma en Defensa do Partido Xudicial da Limia está "moi politizada"

Pois ben, despois de intentar, por activa e por pasiva, que os rexedores populares se puxeran no seu sitio, que defenderan os intereses dos vicinhos/as da Limia, que se sumaran á Plataforma pra facer umha fronte común contra a inxustiza da supresión do Partido Xudicial; os máximos representantes populares da Comarca Limiá incorren numha GRAVÍSIMA IRRESPONSABILIDADE POLÍTICA e prefiren responder aos ditados do seu Partido, tendendo cortinhas de fume, que atender aos intereses da Limia.

Non deixa de ser paradoxal que se acuse á Plataforma de estar politizada, cando todos os que fan tal acusación son POLÍTICOS DO PP, GOBERNANTES E PROFISIONAIS DA POLÍTICA que viven dos nosos impostos.

Mais, así é a vida. Non caiamos no seu erro. Non confundamos aos políticos decentes, cos gobernantes irresponsábeis. Eles son políticos e por riba gobernantes e serán os culpábeis, en cualidade de colaboradores necesarios, de que se suprima o Partido Xudicial de Xinzo de Limia. Hai que dicilo claro: NON QUEREN REPRESENTAR Á CIDADANÍA, SÓ PROCURAN REPRESENTARSE A SI PROPRIOS.

A actitude distes Alcaldes é umha mostra de egoismo partidario, mais iso só ven a constatar algo que xa sabiamos....Agora, a cidadanía debe darlhes umha lección democrática, tirando á rúa ao maior número de presoas posíbel contra a inxustiza da supresión do Partido Xudicial e fronte ao seguidismo dos benmantidos Alcaldes populares da Limia.