O concello de Cartelle aprobou as bases de selección para cubrir dous postos de traballo de persoal laboral temporal, e publica no BOP do 4 de xuño o resumo da convocatoria para xeral coñecemento e chamamento ao concurso. Trátase de dous postos de pións para a recuperación e mantemento de espazos públicos urbanos e de zonas naturais durante dous meses. A modalidade de contratación será un contrato laboral temporal por obra/servizo determinado a tempo completo. Para o sistema de selección optaron polo concurso de méritos. As bases da convocatoria poderanse obter nas oficinas municipais sendo o prazo de presentación de solicitudes de 5 días hábiles, contados dende o día seguinte á publicación deste anuncio no BOP, no Rexistro do Concello de Cartelle, praza Toxal, 1, Cartelle, de luns a venres, en horario de 9.00 horas a 14.00 horas, ou por calquera outro medio admitido en dereito.