OFERTA DE DOUS POSTOS TEMPORAIS NO CONCELLO DE PETÍN
Son contratos de sete meses
O concello de Petín fai público no BOP do 7 de agosto a convocatoria para a contratación laboral que se indica a continuación, segundo as bases aprobadas por resolución da alcaldía desta data:
1.- Número e denominación das prazas: dúas/dous operarios (un/ha operaria/o-pión e un/ha operaria/o-pión pintor/a) para a realización do Programa provincial de cooperación en materia de empregabilidade.
2.- Modalidade de contratación: contrato laboral temporal a xornada completa.
3.- Duración do contrato: sete meses.
4.- Sistema de selección: concurso de méritos.
5.- Retribucións: as estipuladas como peón persoal laboral do concello de Petín.
6.- Lugar e prazo de presentación de instancias: cinco días hábiles contados a partir do día seguinte ao da publicación do anuncio da convocatoria no BOP de Ourense.
7.- Exposición das bases: o texto completo da bases da selección está publicado no taboleiro de anuncios do concello e na sede electrónica municipal, https://petin.sedelectronica.gal