Unha vez aprobadas as bases de selección para contratación de persoal para dúas brigadas de prevención e defensa contra incendios forestais para o exercicio 2023, o concello de Sandiás publica no BOP do 21 de xuño o resumo da convocatoria para xeral coñecemento e chamamento ao concurso-oposición (Convenio coa Xunta para a prevención e extinción de incendios forestais, cofinanciado con fondos FEADER):

1. Número e denominación das prazas:

- 8 traballadores/as como pións/pioas de brigada de prevención e defensa contra incendios forestais, con disposición de condución.
- 2 traballadores/as como xefe/a de brigada de prevención e defensa contra incendios forestais.

2. Modalidade de contratación: temporal de duración determinada (DA quinta do RDL 32/2021, do 28 de decembro).
Contrato vinculado ao convenio subscrito coa consellaría do Medio Rural da Xunta de Galicia, que está cofinanciado polo
Feader dentro da submedida 8.3 “axuda para a prevención dos danos causados aos bosques por incendios, desastres naturais e catástrofes” do Programa de Desenvolvemento Rural (PDR) 2014-2020

3. Duración do contrato: tres meses.

4. Sistema de selección: concurso-oposición.

5. Prazo e lugar de presentación de solicitudes: ante a necesidade da contratación e cumprimento dos prazos de  xustificación da subvención e realización do servizo, cinco días hábiles, que contarán desde o seguinte á publicación deste anuncio no BOP, no rexistro xeral do concello, en horario de 9.00 a 14.30 h (se o día en que finalice o prazo de presentación de instancias fose sábado ou día inhábil, o prazo finalizará o primeiro día hábil seguinte).

6. O texto íntegro das bases de selección publicarase no taboleiro de anuncios do concello de Sandiás, situado nas oficinas municipais, na súa páxina web (www.sandias.es) e na sede electrónica (sandias.sedelectronica.gal)

7. Os anuncios sucesivos publicaranse exclusivamente na páxina web do concello (www.sandias.es), na sede electrónica
(sandias.sedelectronica.gal) e no taboleiro de anuncios do concello de Sandiás.