OBRADOIRO DE EMPREGO: MASIDE BUSCA PERSOAL PARA A EQUIPA DIRECTIVA
Ofertan postos para Director/a, Docentes e Administrativa/o
O concello de Maside fai público no BOP do 20 de setembro que por resolución da alcaldía do 16 de setembro de 2022, aprobáronse as bases que rexerán o proceso selectivo para seleccionar o persoal directivo, docente e de apoio, do proxecto Obradoiro dual de emprego denominado “Agrupación Carbosam 2022”, promovido polos concellos de Maside, O Carballiño, Boborás, e San Amaro.
Clase de persoal: laboral temporal.
Duración: 12 meses.
Prazas convocadas: director/a, persoal administrativo e persoal de apoio docente.
Prazo e lugar de presentación das solicitudes: nos cinco días naturais seguintes aos de publicarse este anuncio de convocatoria no BOP, exclusivamente na sede electrónica do concello de Maside.
Poderán consultar máis información e as bases específicas da convocatoria no taboleiro web dos concellos do Carballiño, Boborás, San Amaro e Maside.