A decisión xudicial chega despois do recurso presentado pola CIG que xa motivara a suspensión cautelar do decreto do 13/01/11 mediante o cal o Concello de Verín rexeitara a solicitude feita pola central nacionalista no sentido de poder publicitar mediante megafonía a convocatoria de folga xeral do vindeiro 27 de xaneiro. O rexedor do PP apelara á ordenanza municipal sobre civismo, uso e limpeza da vía pública e protección da paisaxe urbanística para argumentar a negativa, que foi comunicada mediante o decreto asinado polo propio alcalde, que foi inmediatamente recorrido pola CIG mediante a presentación dun contencioso-administrativo.

Dende a Unión Local da CIG de Verín consideran que a acción de goberno de Jiménez Morán “semella máis a imposta por gobernos unipersoais doutras épocas históricas que a actuación democrática que se lle supón a un político escollido polos cidadáns”.