Dende hai uns días a Sala do Social do TSXG ven pronunciándose sobre os recursos interpostos pola CIG contra algunhas sentenzas ditadas polo xulgado social nº 2 de Ourense, en base ás que tal órgano xudicial, contra o ditaminado polo resto dos xulgados ourensaos, entendeu que o período pra xeración da paga extra de Nadal do 2012 se había restrinxir a 44 días e non a 195 días, como solicitaba a central sindical.

Os pronunciamentos actuais do TSXG están a avalar os argumentos da CIG, en relación con que os trabalhadores/as laborais dos Concelhos deben percibir, polo menos, a parte da Extra de Nadal do 2012, xerada entre o 1/1/2012 e o 14/7/2012 (195 días).

En consecuencia, as demandas interpostas pola CIG de Verín e A Limia, en reclamación da paga extra de Nadal do 2012, produciron que os trabalhadores/as, abranguidos por elas, obtiveran o dereito a cobrar a parte proporcional da paga extra de Nadal do 2012, cun período de xeración de 195 días; fronte ás demandas interpostas por outros, que acadaron o dereito a cobrar a parte proporcional da paga extra de Nadal do 2012, cun período de xeración de 44 días.

Por exemplo, os traballadores/as laborais do Concello de Verín, Maceda e outros, defendidos pola CSIF, conseguiron 44 días da parte proporcional da paga extra de Nadal 2012, mentres os traballadores/as laborais da Mancomunidade de Concellos de Verín, os Concellos de Castrelo do Val, Oímbra, Xinzo de Limia, Viana do Bolo, etc., defendidos pola CIG, conseguiron 195 días da parte proporcional da mesma paga extra de Nadal 2012.