O CONCELLO DE MONTEDERRAMO OFERTA DOUS POSTOS DE TRABALLO
Son contratos temporais
O concello de Montederramo fai pública no BOP do 3 de xuño a convocatoria para a contratación dun/dunha informador/a turístico-cultural-xuvenil e atención xeral ao público en dependencias municipais, durante cinco meses a xornada completa, e dun/dunha auxiliar do servizo de axuda no fogar durante catro meses a media xornada
Número de prazas: unha para cada contrato
Modalidade: contrato laboral temporal
Sistema de selección: concurso
Retribucións: salario mínimo interprofesional co rateo de pp.extras para a primeira e salario mínimo interprofesional, a media xornada para a segunda.
Lugar e prazo de presentación de instancias: no rexistro municipal do concello, no termo de cinco días dende a publicación deste anuncio no BOP de Ourense. O texto completo das bases para o posto de auxiliar do servizo de axuda no fogar será publicado na páxina web municipal (www.montederramo.es) e no taboleiro de edictos municipal.