O concello de Lobios fao pública no BOP do 4 de xuño a convocatoria e bases de selección para contratar 2 xefes/as de brigada, 2 pións condutores/as e 6 pións forestais para formar dúas brigadas de prevención e defensa

Convocatoria para a contratación laboral que se indica a continuación, segundo as bases aprobadas por Resolución da Alcaldía do 31/05/2021:

1. Número e denominación das prazas: 10 traballadores/as para desempeñar o servizo denominado “brigadas de prevención e defensa de incendios forestais”

2. Modalidade de contratación: contrato laboral temporal a xornada completa

3. Duración do contrato: tres meses

4. Sistema de selección: concurso-oposición

5. Retribucións totais:

-Xefe/a de brigada. Soldo: 1.225,00 euros/mes brutos, incluída a parte proporcional da paga extra

-Pión/peoa condutor/a. Soldo: 1.166,67 euros/mes brutos, incluída a parte proporcional da paga extra

-Pións forestais. Soldo: 1.108,34 euros/mes brutos, incluída a parte proporcional da paga extra

6. Lugar e prazo de presentación das solicitudes: 5 días hábiles, que contarán desde o seguinte ao de publicarse este anuncio no BOP, no Rexistro do Concello de Lobios ou por calquera dos medios admitidos en dereito.