O CONCELLO DE CALVOS DE RANDÍN OFERTA SETE POSTOS DE TRABALLO
Son contratos temporais a xornada completa e a xornada parcial
O concello de Calvos de Randín fai públicas no BOP do 29 de xuño as convocatorias para a contratación laboral dun/ha xefa/e de equipo de obra- capataz e seis auxiliares de axuda a domicilio (tres deles a xornada parcial), segundo as bases aprobadas por resolución da alcaldía con data 08-06-2020:
1º.- Número e denominación das prazas: un xefe de equipo de obra-capataz, tres auxiliares de axuda a domicilio, e tres auxiliares de axuda a domicilio (xornada parcial)
2º.- Modalidade de contratación: contrato laboral a xornada completa e xornada parcial.
3º.- Duración do contrato: seis meses.
4º.- Sistema de selección: concurso de méritos.
5º.- Lugar e prazo de presentación de instancias: 5 días, contados dende o seguinte ao da publicación deste anuncio no BOP, se o último día cae en sábado ou domingo, pasará ao luns seguinte, no rexistro do concello de Calvos de Randín, en horario de 09:00 a 14:00 horas, ou por calquera dos medios admitidos en dereito.
No caso de presentar a instancia noutro organismo oficial, remitirá o mesmo día da súa presentación unha copia desta ao correo deste concello concello.calvosderandin@eidolocal.es, debidamente selada polo organismo oficial.
6º.- Exposición das bases: o texto completo das bases de selección está publicado no taboleiro de anuncios do concello.