O CONCELLO DE BALTAR OFERTA SEIS POSTOS DE TRABALLO
Son contratos temporais a xornada completa
O concello de Baltar fai pública a convocatoria para a contratación laboral que se indica a continuación, segundo as bases aprobadas por resolución da alcaldía con data 06/07/2020 para a realización do programa provincial de cooperación en materia de empregabilidade do exercicio 2020.
1. Número e denominación das prazas:
- Catro (4) pións para axuda na limpeza e mantemento dos espazos públicos municipais: contrato laboral temporal (xornada de 25 horas semanais), cunha duración de 2 meses.
- Dous (2) pións forestais, para apoio nas tarefas de rozas realizadas pola brigada municipal: contrato laboral temporal
(xornada de 6,5 horas diarias, de luns a venres), cunha duración ata o 18 de novembro de 2020.
2. Modalidade das contratacións: contrato laboral temporal, xornada parcial.
3. Sistema de selección: concurso de méritos.
4. Retribucións totais:
- Para o posto de pión de axuda na limpeza e mantemento dos espazos públicos municipais: 713,86 € brutos/mes (incluídas pppe).
- Para o posto de pión forestal de apoio nas tarefas de rozas realizadas pola brigada municipal: 928,59 € brutos/mes (incluídas pppe).
5. Lugar e prazo de presentación de instancias: catro (4) días naturais contados dende o día seguinte ao da publicación deste anuncio no BOP, no rexistro do Concello de Baltar, en horario de 09:00 a 14:00 horas, ou por calquera dos medios admitidos en dereito.
6. Exposición das bases: o texto completo das bases de selección está publicado no taboleiro de anuncios do concello e na sede electrónica municipal (https://baltar.sedelectronica.gal).