O CONCELLO DA GUDIÑA OFERTA CINCO POSTOS DE TRABALLO TEMPORAIS
Son para a brigada contra incendios forestais
Oferta de contratación de persoal laboral temporal no concello da Gudiña, publicada no BOP do 15 de xuño:
1.- Prazas :
Tres (3) pións de brigada de prevención e defensa contra incendios forestais.
Un/ha (1) pión-condutor/a de brigada de prevención e defensa contra incendios forestais.
Un (1) xefa/e de brigada de prevención e defensa contra incendios forestais.
2.-Modalidade contractual
A modalidade contractual será de obra ou servizo determinado, a xornada completa do artigo 15.1 do Estatuto dos traballadores por un período de tres meses.
3.- Procedemento selectivo e documentación
A establecida nas bases reguladoras de contratación aprobadas polo Decreto da Alcaldía do 10 de xuño de 2020.
4.- Prazo de presentación de instancias
Presentaranse no rexistro xeral do concello da Gudiña durante o prazo de 5 días hábiles (agás sábados) dende o día seguinte ao da publicación deste anuncio. As bases atópanse a disposición do público no taboleiro de anuncios do concello e na sede electrónica: http://agudina.sedelectronica.gal As contratacións están financiadas a través do convenio entre a consellaría do Medio Rural da Xunta de Galicia e o concello da Gudiña para a creación dunha brigada de prevención e defensa contra incendios forestais.