O CONCELLO DA BOLA CREA UNHA NOVA BRIGADA CONTRA INCENDIOS FORESTAIS
Son cinco contratos de tres meses de duración
O concello da Bola fai público no BOP do 20 de xuño que por resolución da alcaldesa, con data 16 de xuño do 2022, aprobáronse as bases para a selección e posterior contratación de cinco traballadores para a formación dunha brigada de prevención e defensa contra incendios.
Denominación dos postos: un/ha xefa/e de brigada, un/ha pión-condutor/a de brigada e tres pións de brigada.
Duración do contrato: tres meses.
Clase de persoal: laboral temporal
Prazo de presentación das solicitudes: nos tres días hábiles seguintes ao de publicación do anuncio da convocatoria no Boletín Oficial da Provincia, no rexistro xeral do concello, en horario de 9:00 a 14:00 horas, de luns a venres ou por calquera medio previsto na Lei. Máis información nas bases da convocatoria que poderán ser consultadas no Concello da Bola, en horario de oficina.