Malia a coincidencia de multiplos eventos culturais na vila de Verín encetamos, onte día 11 de agosto, os actos da III homenaxe ás Vítimas do Franquismo na Comarca de Monterrei cumha moi digna asistencia de público.

A antropóloga da Universidade de Lisboa: Paula Godinho, fixo a apresentación do seu libro "O futuro é para sempre", no que se adica un capítulo enteiro ás "Costureiras de Verim".

Hoxe continuarán os actos, coa apresentación doutro libro: "Os nomes do terror", coordenado polo historiador, orixinario da comarca de Monterrei, Dionisio Pereira, ás 20.00 horas, na Casa da Cultura de Verín.