AXUDAS PRA ADQUISICIÓN DE LIBROS DE TEXTO
A Federación de AAPP da CIG informa sobre a convocatoria pra solicitar axudas pra libros de texto
O día 1 de xunho, publicouse no DOG a ORDE do 22 de maio de 2015 pola que se convocan axudas para a adquisición de libros de texto, destinadas ao alumnado matriculado en 1º, 2º, 4º e 6º de educación primaria, 1º e 3º de educación secundaria obrigatoria ou educación especial, en centros sostidos con fondos públicos, para o seu uso no curso escolar 2015/16.
O prazo de presentación de solicitudes para o alumnado matriculado no ano académico 2015/16 nas ensinanzas e cursos obxecto desta convocatoria é o seguinte:
a) Pro alumnado de educación primaria e educación especial: un mes desde o día seguinte ao da publicación da orde no Diario Oficial de Galiza.
b) Pro alumnado de educación secundaria obrigatoria que formalice a matrícula no prazo ordinario: do 25 de xunho ao 27 de xulho de 2015, ambos inclusive.
c) Pro alumnado de educación secundaria obrigatoria que formalice a matrícula no prazo extraordinario: do 2 de setembro ao 2 de outubro de 2015, ambos inclusive.
d) Pras novas incorporacións de alumnado que se produzan ao longo do curso con posterioridade aos períodos indicados, o prazo será dun mes e contarase a partir do día seguinte ao da formalización da matrícula.
En todo caso, o prazo para presentar a solicitude para as novas incorporacións terá como data límite o 31 de marzo de 2016.