A consellaría de facenda fai público no dog do 4 de Marzo a orde do 28 de febreiro de 2019 pola que se convoca o proceso selectivo para o ingreso na escala de auxiliar do Servizo de Prevención e Defensa Contra Incendios Forestais, subgrupo C2, nas seguintes categorías:

- emisorista/vixilante fixo/a
- bombeiro forestal condutor motobomba
- bombeiro forestal

Todas elas do corpo de auxiliares de carácter técnico de Administración especial da Administración xeral da Comunidade Autónoma de Galicia.

O obxecto do proceso selectivo será cubrir duascentas sesenta e nove (269) prazas da escala de auxiliar do Servizo de Prevención e Defensa Contra Incendios Forestais, subgrupo C2, polas quendas de acceso libre e promoción interna. Resérvanse sesenta e seis (66) prazas para seren cubertas pola quenda de promoción interna, as prazas non cubertas por esta quenda acumularanse ás de acceso libre.

O prazo para formalizar telematicamente as solicitudes será de vinte (20) días hábiles, contados a partir do seguinte ao da publicación desta convocatoria no Diario Oficial de Galicia (DOG). Saen publicados de xeito simultáneo os procesos de quenda libre e promoción interna. O sistema selectivo é o de concurso-oposición.

Mais info no enlace :
https://www.xunta.gal/dog/Publicados/2019/20190304/AnuncioCA01-280219- 0005_gl.pdf
O modelo de solicitude estará á disposición de todas as persoas que desexen participar no proceso selectivo no portal web corporativo funcion publica.xunta.gal, seguindo a ruta «Función pública»-«Procesos selectivos»-«Xeración e presentación de solicitudes de procesos selectivos».