A empresa UTE-INAER Galicia (actualmente Babcock) /Consultoría Natutecnia, SL foi contratada pola Xunta de Galiza e a Conselharía do Medio Rural para o servizo dun helicóptero e brigada, con destino ao SPDCIF durante os anos 2015, 2016 e 2017 (con prorrogas até o 2019) destinado a base Ourensá de Toén no distrito forestal XII Minho-Arnoia.

A  citada empresa  concesionaria leva dende outubro do 2017 sen o helicóptero Puma  con matrícula EC-JYP e substituído dende xulho deste ano co helicóptero Bell 412 con matrícula EC-KUV e co helicóptero Bell212 con matrícula EC-IYP que substituíu ao anterior.

Estase a incumprir o artigo 10.1 do Prego de prescricións técnicas que rexen a contratación dun servizo integrado do helicóptero e brigada, xa que as cláusulas obrigan a que ”O horario habitual de presenza física na base para cada tripulación será de (11) horas e corenta e cinco (45) minutos diarios “

Que actualmente  a empresa non tén na base de forma presencial as dúas tripulacións dos dous helicópteros, concretamente unha delas non está na base, dandose o caso do envío dun helicóptero a un lume e ao ser requerido o segundo helicóptero a tripulación atopabase a 30 minutos desta nun hotel.

A CIG ven de esixir, por todas estas irregularidades  e incumprimentos, a rescisión de contrato A Inaer Galicia (actualmente Babcok)/Consultoría Natutecnia S.L por incumprimento reiterado das prescricións técnicas do servizo (artigo 10.1 do Prego de cláusulas administrativas)