A central nacionalista obtivo un total de 54 votos entre o persoal laboral municipal o que lle outorga 6 representantes, fronte aos 28 votos que sumou CCOO, que contará con 3.

Dende a CIG lembran que estes resultados tan positivos para o sindicato é o froito dun traballo de máis de 28 anos, nos que a central obtivo nada menos que 7 maiorías absolutas. Tralos últimos procesos de estabilización, plan de igualde, defensa contra os ataques ó persoal con cambios arbitrarios de quendas e horarios, etc, a nova representación elixida comprométese a seguir traballando na mesma liña, na defensa dos intereses e dereitos de todo o plantel.

Finalmente, agradecen a confianza amosada polos traballadores/as no proxecto sindical que representa a CIG e trasládanlle os seus parabéns tanto aos representantes elixidos/as como ao cadro de persoal laboral do Concello, “que soubo unir forzas no único sindicato que defende realmente os seus dereitos”.