A CIG renova e mellora o acordo coa Plataforma de formación online de cara a preparar o exame para a Consolidación de emprego en Correos. A CIG non fai negocio coa túa formación e por iso busca aos mellores en calidade e prezo. Esta plataforma ofrécenos un mestre do Grupo B de Xestión de Correos con máis de 20 anos de experiencia dando clases para os grupos B, C1, C2 e última consolidación. O sistema e características de estudo da plataforma será o seguinte:

- Temario propio totalmente actualizado, ofrecido gratuitamente aos estudantes, xunto co material de apoio ao estudo, descargable da plataforma de formación que se irá actualizando a medida que se produzan novidades.

- Test realizados na plataforma de formación, autocorrección e reporte ao profesor.

- As clases serán de contido exclusivo de materias postais.

- A inscrición para as clases se fará única e exclusivamente a través do sindicato, logo recibirá un email cun enlace para entrar nas clases.

- O sistema de formación utilizará unha aplicación informática que permite ao profesor emitir a clase en directo, coas seguintes características:

• As Clases son on-line e se accede dende un PC, tablet ou smartphone.

• O alumno ve ao profesor mentres este vai explicando o contido.

• Dito contido visualizase na pantalla, mentres o profesor vai desprazándose polo tema resaltando e comentando o que explica en cada momento e se lle pode consultar dende o chat da aula. (As clases quedan gravadas na plataforma para que se poda ver tantas veces como se queira. Se non che é posible asistir en directo ou non che apetece, poder ver clase en calquera outro momento.

• Nalgúns casos, estes contidos estarán formados por elementos gráficos: fotos, debuxos e incluso vídeos explicativos.

• O contido textual poderá descargarse e imprimirse polos estudantes (recomendase a impresión e estudo previos á sesión da clase correspondente)

• Os test realizaranse na propia plataforma, fóra do tempo asignado para impartir a clase, sendo logo analizados e comentados polo profesor e alumnos na clase.

• A duración formulada inicialmente de cada clase será de unha hora e media, unha vez a semana, tendo en conta que isto poderá variar en función da proximidade das datas do exame e a materia pendente de tratar.

• En calquera caso, a sesión abrirase media hora antes da clase, para que os alumnos vaian accedendo e resolvendo posibles problemas de configuración e para que poidan usar o chat para preguntar dubidas ou suxerencias ao profesor.

• O profesor enviará periodicamente enquisas para recoller opinións e suxerencias dos alumnos.

• O prezo para os afiliados a CIG será de 20 euros por cada Tema (13 segundo o programa da última convocatoria), independentemente do tempo que custe impartilos, a ingresar na propia plataforma por paypal ou tarxeta bancaria.

• As clases comezarían no mes de febreiro (a data de inicio a comunicaremos a tod@s coa suficiente antelación)

   SE  ESTAS  INTERESADO/A  PONTE  EN  CONTACTO  COA  XENTE  DA  CIG