O persoal do Concello leva desde finais do 2007 para negociar os convenios colectivos destes traballadores e traballadoras ‘sen que até a data o Alcalde do Concello de Verín fixeran outra cousa que dilatar, atrancar e, mesmo, mentir para evitar chegar aos acordos que, lexitimamente, demanda o persoal", engaden desde a CIG de Verín.

Nunha folla informativa, repartida entre os traballadores e traballadoras deste concello, a CIG chama a mobilizarse coas seguintes palabras: "dá un paso á fronte e reclama coa CIG unha negociación colectiva real e xusta para todo o persoal do Concello de Verían, asi como mobilízate para rematar coas práticas sindicais dun alcalde dedicada a reprimir a todos e todas as que non pensan como el".