No decreto, asinado pola alcaldesa en funcións do concello, Mª Corona Meixeira Romasanta, xustifica no decreto a súa decisión alegando as baixas existentes no corpo así como “a época  estival na que nos atopamos, que coincide co período de vacacións da maioría do persoal funcionario, e considerando a necesidade de manter o nivel de vixilancia ante actos vandálicos e o grao de resposta do corpo de Policía Local, dadas as necesidades mínimas de seguridade deste municipio”.

 

Os policías locais acordaran deixar de facer horas extra como medida de presión para que se abrira a negociación do convenio colectivo, paralizada pola negativa do alcalde e diante da proposta de pagarlles esas horas a un prezo por hora extra mesmo inferior á hora normal.

Entre as medidas acordadas nos últimos días os axentes anunciaron que non farán tarefas que non lles son propias nin entregarán notificacións que non dimanen da propia policía local, algo que si viñan facendo aínda que non figuraban entre as súas funcións na relación de postos de traballo do concello.