O Comité de Empresa do Concello de Verín denuncia a política de privatizacións que está levar neste concello o seu alcalde, o señor Juan Manuel Jiménez Morán. En setembro do ano pasado privatizou o servizo público de augas deste concello aludindoá necesidade de facer fronte as débedas deixadas pola anterior corporación.

O persoal da Vidrieira do Atlántico presentou unha nova iniciativa xudicial en Ourense. Estamos a falar dun recurso de apelación presentado na Audiencia provincial polo comité contra a solicitude de lei concursal presentada pola sociedade lusa BA Glass, propietaria da fábrica de vidro. A base desta nova demanda está baseada en que a petición de concurso de acredores está en fraude de Lei.

O Comité de empresa do persoal laboral do Concello de Verín reclamou ao rexedor local a creación do Comité de Seguridade e Saúde e que atenda ás necesidades en materia de prevención de riscos, pois, segundo explican, nin o persoal ten a formación e información adecuada para desenvolver o seu traballo nin os propios delegados/as teñen a certeza de que estean realizadas as avaliacións de riscos ou os planos de prevención. Así mesmo, reiteraron as demandas ao alcalde de Verín para que sente a negociar o convenio colectivo, caducado xa en 2007.

Unha representación do Corpo da Policía Local de Verín, dando continuidade ás mobilizacións que emprendeu hai máis dun ano, manifestarase e concentrarase o próximo luns, día 25 de Xaneiro, en Ourense para reclamar ao alcalde do Concello que abra unha vía de negociación colectiva “real e seria” que propicie a normalización das relacións laborais na institución local, así como a aplicación da Lei de Coordinación dos axentes locais, en vigor dende hai case tres anos. Dende a Unión Local da CIG de Verín laméntase que a actitude do rexedor local teña obrigado ao persoal municipal a defender as súas lexítimas reivindicacións a través da vía xudicial.