O pasado día 11 de decembro constituíase en Verín una comisión de institucións, organizacións sociais, sindicais e políticas conformada pola CIG, UGT, CCOO, ACIVER, a Asociación de Hostalería de Verín; as organización políticas BNG, PSOE e PP, os concellos de Castrelo do Val, Verín e Monterrei co obxectivo de organizar una campaña en defensa do Parador e contra a decisión da Dirección Xeral de Paradores. A campaña xa ten data de arranque, o 20 de decembro, e o fará cunha manifestación popular que estará encabezada polos/as traballadores/as do propio Parador.

Un grupo de militantes da Confederación Intersindical Galega en Xinzo de Limia desenvolveron unha protesta contra os recortes impostos polo Goberno español coa escusa de crise económica durante o acto de inauguración dun cuartel da Garda Civil celebrado esta mañá no municipio ourensán. A mobilización estivo vixiada en todo momento por un forte dispositivo policial, que non impediu que os concentrados fronte ás novas instalacións puidesen despregar unha faixa na que rexeitaban “a fraude do Partido Popular”.

A CIG de Ourense vén de presentar unha proposta alternativa co obxectivo de reconducir o plan de axuste económico do Concello de Xinzo de Limia. Os plans municipais contemplan, entre outras medidas, a redución de medio millón de euros en gastos de persoal mediante un ERE extintivo que afectaría a 25 traballadores/as. A central nacionalista, que xa denunciara que o Goberno local pretende aplicarlle os recortes unicamente ao persoal laboral, achega agora unha proposta que permitiría non ter que reducir esta cantidade en gastos de persoal e evitaría os despedimentos, aliviaría a presión fiscal sobre os veciños/as e produciría un superavit de 2 millóns de euros en 10 anos. [CONSULTA O DOCUMENTO AO FINAL DA NOTICIA].