O concello de Xunqueira de Ambía fai público no BOP do 6 de xuño, mediante resolución do día 1 de xuño de 2018, a aprobación das bases para a contratación laboral temporal dun/ha chófer de máquina rozadora para levar a cabo os traballos de limpeza e roce. As instancias, dirixidas ao alcalde, presentaranse no rexistro xeral do concello, de 9.00 a 14.00 horas, durante o prazo de cinco días naturais seguintes a aquel en que apareza publicado este anuncio no BOP. As bases encontraranse na Secretaría deste concello e poderán ser examinadas por quen o desexe durante as horas de oficina.