O CONCELLO DOS BLANCOS OFERTA 16 POSTOS DE TRABALLO TEMPORAIS
Formarán as brigadas antiincendios forestais
O concello dos Blancos fai público no BOP do 20 de xuño as convocatorias dos postos para dúas/dous xefas/es de brigada, dúas/ dous pións condutoras/es con carné B, seis peóns de brigada, catro pións forestais e dúas/dous tractoristas.
Por decreto da alcaldía, con data do 18 de xuño do 2019, aprobáronse as bases específicas para a selección e posterior contratación de dez traballadoras/es para a formación de dúas brigadas de prevención e defensa contra incendios, ao abeiro do convenio de colaboración subscrito entre a consellaría do medio rural e do mar e o concello dos Blancos para a participación na prevención e defensa contra os incendios forestais mediante a actuación de brigadas de prevención e defensa.
Denominación dos postos: dúas/dous xefas/es de brigada, dúas/dous pións condutoras/es con carné B e seis pións de brigada
Duración do contrato: tres meses
Clase de persoal: laboral temporal
Prazo de presentación de solicitudes: nos tres días hábiles seguintes ao de publicación do anuncio de convocatoria no BOP, no rexistro xeral do concello, en horario de 9.00 a 14.00 horas, de luns a venres. Inclúese máis información nas bases específicas da convocatoria, que poderán ser consultadas no concello dos Blancos en horario de oficina.
Denominación dos postos: catro peóns forestais
Duración do contrato: tres meses.
Clase de persoal: laboral temporal.
Por decreto da alcaldía, con data do 18 de xuño de 2019, aprobáronse as bases específicas para a selección e posterior contratación de dúas/dous traballadoras/es para o posto de tractorista, ao abeiro do convenio de colaboración subscrito entre a consellaría do medio rural e do mar e o concello dos Blancos para a participación na prevención e defensa contra os incendios forestais mediante a actuación de brigadas de prevención e defensa.
Denominación dos postos: dúas/dous tractoristas.
Duración do contrato: tres meses.
Clase de persoal: laboral temporal.
Prazo de presentación de solicitudes: nos tres días hábiles seguintes ao da publicación do anuncio da convocatoria no BOP, no rexistro xeral do concello, en horario de 9:00 a 14:00 horas, de luns a venres. Inclúese máis información nas bases específicas da convocatoria, que poderán ser consultadas no concello dos Blancos en horario de oficina.