Desde o colectivo de bombeiros da provincia de Ourense queremos mostrar a nosa disconformidade e opinión á recente proposta do PSOE que pon en claro manifesto as carencias que soporta a provincia no ámbito das emerxencias.
Queremos mencionar que a nova colleunos de sorpresa en canto non se documentou cos servizos que teñen ditas competencias e aclarar que debe existir en toda a comunidade autónoma (incluída Ourense) unha capacidade suficiente para atender todo tipo de emerxencias sendo reforzadas alí onde por orografía, climatoloxía, despoboamento etc. sexa necesario incrementar os medios para a atención das mesmas, para que os seus veciños non corran os riscos que corren e que xa sofriron sen ir máis lonxe, este pasado ano 2017.
Se a intención da proposta é xerar emprego e consumo na provincia débense buscar alternativas que non choquen cos servizos xa existentes e potencien as súas deficiencias. Con todo, que o exercito teña unha unidade para estados de excepción en emerxencias non pode supor o intrusismo laboral, nun servizo civil, público e esencial, carácteres que teñen todos os servizos que se sufragan cos impostos dos veciños da provincia.
En termos amplos lembrámoslle que a UME non é gratuíta, xa que factura cuantiosamente as súas intervencións e só pode ser activada para eses estados de excepcionais condicións de emerxencia, que por desgraza, veñen alcanzando pola falta dos medios adecuados e a súa prevención. A UME non atende emerxencias “ordinarias e habituais”.
“Mellor 1000 bombeiros para todo que 1000 militares só para desaloxar pobos despoboados cando xa é tarde”
Non nos gustaría imaxinar médicos militares, profesores militares e tampouco a bombeiros militares ocupando unha actividade de forma habitual e normalizada dentro dun estado civil con servizos públicos que sempre deben mellorar, e esa debe ser a preocupación e obxectivo.
A precariedade dos contratos, privatizacións e recortes nas emerxencias acabaron por normalizar o ver a actuación militar na nosa provincia, en tanto, canto máis os vexamos, máis conscentes debemos de ser das carencias en emerxencias que sofre a provincia, que fácilmente alcanza o nivel de activación da devandita unidade. A pregunta sería que até ese nivel de activación podemos estar máis preparados? En prevención, persoal, medios……. a resposta é si. Se isto se recoñece e se corrixe podemos garantir que non veríamos aos nosos militares todos os veráns á beira das nosas casas porque non haxa ninguén máis que puido atender antes esa emerxencia, e non se alcanzarían con tanta frecuencia devanditos niveis de activación. Rogamos que se asesoren por profesionais dos distintos servizos e se potencien os servizos públicos sen xestión de intermediarios. Esperamos que o PSOE poida tomar conciencia de tal proposta e que redirixa as medidas que se deben tomar para que os veciños conten coa cobertura, ordinaria ou excepcional, que deben ter.