CONCENTRACIÓN DIANTE DO SUPERMERCADO FROIZ DA RÚA DO CONCELLO EN OURENSE
A CIG denuncia públicamente diversas irregularidades por parte da empresa
A CIG concentrouse hoxe mércores día 20 diante do supermercado Froiz da rúa do Concello en Ourense para denunciar públicamente o que se agocha detrás das campañas de marketing e deseño desta cadea de supermercados; unha cruel realidade: a negación dos dereitos das súas traballadoras e traballadores. Contínuamente realízanse excesos de xornadas, traslados e cambios de posto sen xustificación e a capricho ou proibicións na práctica de gozar os tres días de asuntos propios que recolle o convenio, son algúns dos exemplos. Dende a CIG queremos denunciar publicamente estas irregularidades, e esixirlle a FROIZ que cumpra o convenio colectivo que eles mesmos asinaron.