ASEMBLEA DE DELEGADOS E DELEGADAS DA CIG DE OURENSE
Celebrarase o vindeiro martes 10 de outubro, ás 10:00 horas, no Salón de Actos da Casa Sindical de Ourense
A CIG fixo pública a convocatoria para unha asemblea de delegados e delegadas o vindeiro martes 10 de outubro, ás 10:00 horas, no Salón de Actos da Casa Sindical de Ourense para abordar os seguintes temas:
Lei de Fomento Empresarial, que pola porta de atrás e tramitada pola vía de urxencia, pretende modificar lexislación tan relevante como a Lei de Minaría, a Lei Eólica, de Patrimonio, de Montes e mesma de Cooperativas, e que, de ser aprobada, vai representar unha depredación e destrución ambiental sen precedentes no noso país.
Lei de Saúde de Galicia, que afonda no modelo de privatización da sanidade pública e suprime as Áreas de Saúde de O Barco, Monforte A Mariña e O Salnés.
Ao remate da Asemblea concentrarémonos diante do Edificio Administrativo da Xunta para esixir a retirada destes dous proxectos lexislativos para que sexa atendida a voz e a opinión das organizacións, entidades e usuarios dos servizos, que teñamos algo que dicir nestas materias tan relevantes para o futuro do noso país.