Afiliadas e afiliados da CIG de Verín e A Limia na Manifestación do 1º de Maio do 2014 (preme na foto pra ampliar)
PARTILHAR
AFILIADAS E AFILIADOS DA CIG DE VERIN E A LIMIA CELEBRAN O DÍA INTERNACIONAL DA CLASE TRABALHADORA
Ao redor de 50 afiliados e afiliadas da CIG de Verín e A Limia desprazáronse a Ourense pra participar na Manifestación do 1º de Maio
Un grupo duns 50 afiliados e afiliadas da CIG de Verín e A Limia participaron na Manifestación do 1º de Maio na cidade de Ourense, conmemorando o día internacional da Clase Trabalhadora.
O 1º de Maio conforma umha xornada de loita reivindicativa da clase obreira mundial que se estabeleceu, por acordo do CONGRESO OBREIRO SOCIALISTA DA SEGUNDA INTERNACIONAL, celebrado en París en 1889, como homenaxe aos sindicalistas executados nos Estados Unidos pola súa participación nas folgas reivindicativas da xornada laboral de 8 horas, iniciadas o 1 de Maio de 1886.
Tanto en Verín, como en Xinzo de Limia, os chamados: Sindicato Unificado de Oficios Varios de Verín e Sindicato de Oficios Varios de Xinzo de Limia celebraron, en diversas ocasións, antes do levantamento fascista de xulho de 1936, o 1º de Maio. Especialmente fermosa e histórica é a foto que ilustra esta nova, da celebración do 1º de maio, durante a II República, na "Praza da República" de Verín, hoxe "Praza da Mercé".