ABERTO O PRAZO PARA SOLICITUDE DE PRAZAS EN ESCOLAS INFANTÍS
Convócase o procedemento de adxudicación de prazas nas escolas infantís
Publícase no DOG de hoxe a Resolución do 18 de febreiro de 2016 pola que se convoca o procedemento de adxudicación de praza nas escolas infantís 0-3 dependentes da Axencia Galega de Servizos Sociais para o curso 2016/2017.
O prazo para solicitar o ingreso remata o 25 de marzo
A resolución ten por obxecto convocar o procedemento de adxudicación de prazas nas escolas infantís 0-3 dependentes da Axencia Galega de Servizos Sociais para o curso 2016/17.
Os requisitos imprescindibles para ser adxudicatario/a de praza nas escolas infantís 0-3 dependentes da Axencia Galega de Servizos Sociais serán:
a) Que o neno ou a nena teña a súa residencia en Galicia
b) Idade do neno ou da nena mínima de tres meses na data de ingreso e non ter feitos os 3 anos de idade o 31 de decembro de 2016. (Non obstante, poderanse eximir do límite de idade dos 3 anos os nenos e as nenas con necesidades específicas de apoio educativo.)