A XUNTA DE GALIZA PUBLICA A OFERTA DE EMPREGO PÚBLICO PARA O 2016
No mesmo DOG publicaron tamén a oferta de emprego correspondente a prazas de persoal funcionario dos corpos docentes e de persoal estatutario do SERGAS
No DOG do 7 de marzo aparece publicada a Oferta de Emprego Público da Xuntan de Galiza para o ano 2016.
Esta Oferta fora aprobada na Comisión de Persoal co voto en contra das catro organizacións sindicais con representación na Mesa Xeral de Empregados Públicos (CIG, CCOO, UGT e CSIF), e implicou o acordo de suspensión do artigo 9.4 do V Convenio Colectivo (acordo rexeitado por CIG e co voto favorable de CCOO, UGT e CSIF).
Para a CIG, estamos ante unha oferta insuficiente, que non chega para cubrir as vacantes, cunha promoción interna insatisfactoria (e nula nalgúns casos).
No mesmo DOG publicaron tamén a oferta de emprego correspondente a prazas de persoal funcionario dos corpos docentes e de persoal estatutario do SERGAS.
- Descargar OEP-2016 de Administración (funcionarios e laborais)
- Descargar OEP-2016 para corpos docentes
- Descargar OEP-2016 para persoal estatutario do SERGAS
Convocado proceso selectivo para ordenanzas, en prazas reservadas a persoas con discapacidade intelectual
No DOG do 7 de marzo publica a Orde pola que se convoca proceso selectivo para o ingreso na categoría 003 (ordenanza e outras) do grupo V do persoal laboral fixo da Xunta de Galiza, en prazas reservadas para seren cubertas por persoas que acrediten discapacidade intelectual.
As bases da convocatoria foron aprobadas na Comisión de Persoal coa abstención de CIG e CSIF, voto en contra de CCOO e favorable de UGT.
A CIG está conforme coa integración na Administración das persoas con discapacidade, pero rexeitamos que se salten o artigo 9 do Convenio Colectivo, ou que concentren toda a oferta de discapacitados intelectuais nunha única categoría profesional, algo que entra en conflito cos intereses das persoas que non van poder presentarse ás oposicións por non ter nin titulación nin discapacidade.