A mancomunidade de concellos de Santa Águeda fai público no BOP do 23 de abril o anuncio de convocatoria dun proceso de selección para a cobertura interina dun/ha traballador/a social mediante o sistema de concurso de méritos e entrevista persoal para a Mancomunidade de Santa Águeda. Unha vez aprobadas as bases reguladoras da selección para a cobertura, con carácter interino, baixo a modalidade establecida no artigo 10.1.c) do Real decreto lexislativo 5/2015, do 30 de outubro, polo que se aproba o texto refundido da Lei do estatuto básico do empregado público, e consonte co artigo 23 da Lei 2/2015, do 29 de abril, de emprego público de Galicia, en consonancia co artigo 200 do mesmo texto legal, mediante concurso de méritos e entrevista persoal, publicase resumida a convocatoria para xeral coñecemento:
1. Número e denominación do posto: un (1) posto de traballador/a social para a Mancomunidade de Santa Águeda.
2. Modalidade: funcionario interino a xornada completa.
3. Sistema de selección: concurso de méritos e entrevista persoal.
4. Bases da convocatoria: publicadas integramente no taboleiro de edictos da Mancomunidade, así como na sede electrónica: http://mancomunidadesantaagueda.sedelectronica.es
5. Prazo e lugar de achega de solicitudes: cinco (5) días hábiles contados a partir do seguinte ao da publicación do presente anuncio no BOP, no Rexistro Xeral da Mancomunidade de Concellos Santa Águeda, na Pena, s/n, 32101, Vilamarín (Ourense), en horario de 9.00 a 14.00 horas, na súa sede electrónica, ou a través de calquera dos medios que prevé a Lei 39/2015, do 1 de outubro, do procedemento administrativo común.