Coma xa temos dito, en innumerábeis ocasións, as obras realizadas con diñeiro público tornan ser noticia, por estar dirixidas mais ao negocio de certas empresas, que a prestar servizos á cidadanía.

O entramado descontrolado de UTEs e empresas subcontratadas revélase como un coctel pernicioso para a seguridade no traballo e para os dereitos dos opoerarios/as e, sobre todo, cando o goberno do Partido Popular e a propria Inspección de Traballo e Seguridade Social, fan deixación de funcións e non poñen as medidas precisas para evitar iste regueiro de sinistros, por moita denuncia que fagamos.

A CIG formulará, porén, unha nova denuncia perante a INSPECCIÓN DE TRABALLO DA SEGURIDADE SOCIAL de OURENSE, a fin de lle reiterar a necesidade, non de ir pasear polos túneis do AVE da mau dos encargados/as e dos xefes das obras, senón de comparecer nisas instalacións a falar cos traballadores e traballadoras, con reserva e privacidade para evitar represalias, e investigando con medios profesionais as condicións terceiromundistas das obras do AVE.

É paradoxal que unha infraestrutura que pasa por ser de ALTA TECONOLOXÍA se estea a construír nunhas condicións TERCEIROMUNDISTAS.

En Ourense, a 1 de Decembro do 2017

Plácido Valencia Rodríguez

Secretario Nacional da FCM da CIG