A POLICIA LOCAL DE VERIN LEVA MAIS DE 900 HORAS EXTRAS EN 6 MESES
O corpo policial acorda a non realización de mais horas extras
14 dos 16 membros do corpo da policía local de Verín venhen de comunicar, no día de hoxe, ao Alcalde do Concelho de Verín o seguinte:
Nos 6 primeiros meses do ano, a media de policías locais en activo, situouse na insuficiente cifra de 13 números.
Nise período, os 13 policías realizaron un total de 936 horas extraordinarias. É dicer, 72 horas extraordinarias de media cada mes, cando o número máximo de horas extraordinarias, segundo o artigo 34 do Acordo Regulador, se sitúa e 60 horas ao ano.
Igualmente, trabalháronse as horas extras que se sinalan, co seguinte gasto salarial:
* 165 horas extras festivas: 15.765,75 €
* 150 horas extras diarias: 11.464,50 €
* 621 horas extras nocturnas: 71.203,84 €
Total: 936 horas extras 98.434,09 €
De continuar iste ritmo de realización de horas extraordinarias, na fin do ano, o cómputo acadaría os seguintes resultados:
* 140 horas extras por policía
* 1.872 horas extras/ano
* 196.868,18 €/ano de custe.
Co gasto salarial en horas extras poderían convocar oposicións para a selección de 4 policías locais mais.
Por tais razóns, os membros da policía local de Verín tomaron os seguintes acordos:
a) Dado que na actualidade xa se sobardou o límite legal de 60 horas/ano, por policía local, non é posíbel a realización de mais horas extras nocturnas, festivas, nen diurnas por parte de nengún policía local, sen vulnerar o Acordo Regulador e a Lei.
b) En consecuencia, a policía local non realizará, dende este mesmo mes, nengumha hora extra mais, de nengún tipo, agás as urxentes para a prevención ou reparación de sinistros.
c) Sería conveniente que se celebrasen as xuntanzas adiadas polo Concelho de Verín, cos representantes legais e sindicais dos trabalhadores/as, se é que o Concelho ten algún interese en solucionar un problema mais na nefasta e errática actuación que está a levar adiante en materia de persoal.
A Unión Local de Verín da Confederación Intersindical Galega apoia a medida acordada polos policías locais e urxe a Gerardo Seoane, Alcalde de Verín, a que deixe facer anuncios propagandísticos e se sente a negociar umha solución a un novo conflito que, como todos, deriva dumha concepción errada da política de persoal, a medio da que se considera a umha institución pública como umha empresa privada.